بقية النكت الرائعة

* ركبت سيدة بدينة جداً الاتوبيس فصاح أحد الراكبين متهكماً : لم أعلم أن هذه السيارة مخصصة للفيلة .. فردت عليه السيدة بهدوء : لا ياسيدي .. هذه السيارة كسفينة نوح .. تركبها الفيلة والحمير أيضاً
* مرة واحد نام على 7 اسرة ليه عاوز يروح بسابع نومه
* واحدة اتقفت مع جوزها يعملوا جمعية انه يديها جنيه كل يوم وتديله بوسة لما جه اخر الشهر لقى معاها 90 جنيه قالها الباقى ده منين قالتله ابو محمد جارنا عرف موضوع الجمعية دخل بنفرين .
* مرة واحد قتل زوجة و سألته الشرطة اسمك إيه ألوا فاعل خير .
* مرة القمر كان عايز يتجوز الشمس قالتله اتجوز واحد صايع طول الليل .
* واحد مشغول اتجوز واحدة مشغولة خلفوا …عيل مش فاضيلهم .
* واحد جدته عيانة و رافضه الاكل فسألها تاكلى مهلبية والا اجوزك.. قالت له لأ يابنى المهلبية ناشفة على سناني .
* واحد عايز يخلص حقه وهو على فراش الموت قال لمراته إذا مت اتجوزى جارنا محمود قلت ليه قال لأنه مره باعلي بضاعة وغشني فيها.
* واحده وحشه قوى بتقول لجوزها يا رااااجل مش تصلح شباك الحمام علشان وانا بستحمه الجيران مايشوفونيش قالها: خليهم يشوفوكى علشان يصلحوه على حسابهم .
* لعيب كورة بيسأل مراته إذا كانت خانته قبل كده ولا لا فقالت له : بصراحه (3) مرات بس، الاولى: فاكر لما المدرب ماكنش بيرضى يلعبك وبعدين بقى يلعبك!قالها: طب تاني مره ؟ قالت له: فاكر لما زمايلك ماكانوش بيباصولك الكوره وبعدين بقو يباصولك!! قال لها : طب تالت مره؟؟ قالت له : فاكر الجماهير لما ما كانتش بتشجعك وبعدين كلهم بقوا يشجعوك .
* واحد قبل مايموت جمع ولاده التلاتة وحب يوصيهم يفضلوا ايد واحدة ،وأعطى لكبيرهم عود خشب كسره بسهوله أعطاه اتنين كسرهم بسهولة برضه أعطاه خمسين عود كسرهم بسهوله قال لهم طالما معاكم البغل ده مافيش خوف عليكم .
* واحد جاب لممته دواء يخليها ترجع 20 سنه وره فتانى يوم راح لها و قال : اه الحلاوه دى و مين العيل الصغير ده قالت: يانهارى أصل أبوك شرب الدواه كله .
* في واحد كل ما يتخانق مع … مراته يطلع فوق الدولاب .. ليه ؟؟؟ عشان ما تقولش ليا يا واطي هاهاها
* رجل كريم جدا شعلت النار في منزله فجاء رجال الاطفاء فقال لهم والله لن تطفوا النار حتى تشربون القهوة ….
* اتصل مندوب التعداد في أحد البيوت … هاتفيا وقال ألو : هل أنت من أهل البيت ؟ .. فرد عليه الرجل : لا أنا من عامة المسلمين …
* ولد صغير بيقول لـ مامته .. بتضربينى ليه يا ماما .. هو انا بابا .
* مرة واحد خلف 7عيااااااااااااااال سمى نفسه سفن اب .
* مرة واحد اهبل حب واحدة اتجوز اختها عشان يشوفها كل يوم .
* مرة واحدة قاعدة مع جوزها فى جو رومانسى فالست قالت لجوزها قولى كلمة حلوة قالها بقلاوة قالت له لا كلمة تهزنى قال لها مرجيحة قالت لا كلمة تحسسنى انى مراتك قال لها انتى طالق .